Іс құжаттарына сәйкес, Сырдария ауданы бойынша мемлекеттік кірістер басқармасының қызметкерлерімен Сырдария ауданы, Қызылорда-Құмкөл жолының 130 шақырымында орналасқан азық-түлік дүкеніне тексеру жүргізу барысында алкоголь өнімдерін сатуға арнайы мемлекеттік лицензиясын алмай, спирттік ішімдіктерді сату мақсатында сақтағандығы анықталған.

Сотта А. өз кінәсін толық мойындап, жасаған ісіне өкініш білдірді.

Сот қаулысымен А. Қазақстан Республикасының ӘҚБтК-нің 463 бабының 1 бөлігімен кінәлі деп танылып, оған 68 810 теңге айыппұл салынып, құқық бұзушылықтың тікелей нысанасы болған 66 дана алкоголь өнімдері мемлекет пайдасына тәркіленді.