Мемлекет басшысы Қасым-Жомарт Кемелұлы Тоқаев "Ораза айт мерекесінің тағылымы ата салтымызбен терең сабақтасып жатыр. Біздің дініміз де, дәстүріміз де азаматтарды бірлік пен ынтымаққа үндейді, өзара сыйлас болуға шақырады" деп атап көрсетті. Сондықтан Ораза айт – ел тұрғындарын бірлік пен татулыққа біріктіретін, жүрегімізді мейірім мен жасампаздыққа жетелейтін ұлық мейрам!

Отыз күн оразасын ұстап, ықыласпен жақсылық жасаған, шын ниетімен ғибадат етіп, мұқтажға қол ұшын созған мұсылман қауымы бұл мерекеде ағайын-туысқа айттап барып, көрші-көлемді құттықтап, қасиетті айдағы амалын игі іспен жалғайды. Осындай ізгі амалдар арқылы халықтың ырыс-несібесі, ынтымақ, бірлігі артады.

Сіздерге зор денсаулық, бақ-береке тілеймін!

Әр шаңырақ шуаққа бөленіп, қуанышқа кенелсін!

Ораза айт құтты болсын!