Бұған дейінгі жиындарда аймақ басшысы жауапты тұлғаларға құрылыс нысандардағы жұмысты қатаң бақылауға алып, кемшіліктерді дер кезінде анықтап, жою туралы тапсырма берген болатын. Жиында осы тапсырмалардың орындалу мәселесі қаралды.

«Құрылыс алаңының орнында сапалы салынған, сәулеті мен сәні келіскен, жылдар бойы халық игілігіне жарайтын ғимарат болуы тиіс. Ол үшін, әрине сапалы материалдар пайдаланылып, кемшілік кетсе уақытында анықталуы керек. Мердігер мекемелермен ұдайы байланыста болып, құрылыстың басына барып тексеріңіздер. Бірінші әрі басты талап – сапа, сосын жұмысты мерзімінде аяқтау да әрдайым назарда болсын, – деді Нұрлыбек Машбекұлы.

Сондай-ақ, облыс әкімі жаңа нысандардың аумағын абаттандыруға қатысты бірқатар тапсырма берді.