Әйел-аналар – отбасының ғана емес, елдің тірегі, қоғамның белсенді мүшесі екендігін атап көрсете отырып, көңілге көктем, баршамызға мерейлі мерекенің ажарын келтірген ардақты аналарға, аяулы аруларға білім бөлімі басшысы үлкен алғысын білдірді.

Сонымен қатар, аудандық кәсіподақ комитетінің төрағасы Алмас Зейноллаұлы бүгінгі бейбіт тірліктің, мызғымас бірліктің, жарқын болашаққа деген сенімнің ұйытқысы болып жүрген ару қыздарымызды мерекелерімен құттықтап, ақ пейілді, дархан жүректі нәзік жандарға зор денсаулық, қажырлы еңбектеріне биік белес пен толағай табыстар тіледі.

Мерекелік жиын жылы лебіздерге, көтеріңкі көңіл-күйге және алғысқа толы болды. Ұстаздар қауымы осындай құрметке ие болғандарына ризашылық білдіріп, өз кезегінде жас ұрпақты тәрбиелеу жолында аянбай еңбек ететіндерін жеткізді.