Қылмыссыз өмір – кемел келешек кепілі
«Заң және тәртіп» қағидатын іске асыру аясында Сырдария ауданы прокуратурасының бастамасымен аудандық мәдениет үйінде 2025 жылдың 11 ақпанында 150 мектеп оқушылары мен колледж студенттерін қатыстыра отырып, кәмелетке толмағандар арасында есірткінің заңсыз айналымы, бұзақылық, топтық төбелес, бопсалау, лудомания, суицид, интернет алаяқтықтың алдын алу тақырыбында семинар өтті.Аталған жиынның басты мақсаты — жасөспірімдер арасындағы құқық бұзушылықтың алдын-алу және болдырмау.
Семинарда аудан прокурорының орынбасары Ғ.Дүйсенбаев жүргізіп, Сырдария аудандық ауруханасының нарколог дәрігері Қ.Төребекұлы, аудандық полиция бөлімінің кәмелетке толмағандар істері жөніндегі инспекторы мен Криминалдық полиция бөлімшесінің бастығы баяндама жасап, жастарға сақтық шараларын түсіндірді.
Жастардың көкейінде жүрген сұрақтарына жауап беріліп, пікір алмасу жұмыстары жүргізілді.
Бұл бағыттағы құқықтық түсіндірме жұмыстары тұрақты түрде жалғасады.
СЫРДАРИЯ АУДАНДЫҚ ПРОКУРАТУРАСЫ
