Мекеме қызметкерлері бір сәт қағаз бен құжаттан бас көтеріп, спорттық сайыста бақ сы­нады. Қызықты әрі тартысты өткен сайысты аудандық дене тәрбиесі, спорт және туризм бөлімі ұйымдастырды.

Спорттық сайыстың салта­натты ашылуына аудан әкімі Берік Сәрменбаев, аудандық мәс­лихат төра­ғасы Ержан Әжікенов, об­лыстық мәслихат депутаты Жұмабек Ембергенов, аудандық арда­герлер кеңесінің төрағасы Мұса Келдібаев, аудан­дық қо­ғам­­дық кеңес төрағасы Марат Еспенбетов және «Биали» спорт дүкендері желісінің директоры Асхат Қасымұлы арнайы қатыс­ты. Жиынды ашып берген құр­мет­ті қонақтар спортшыларға сәттілік тіледі.

– Мемлекет басшысы Қасым-Жомарт Кемелұлы Тоқаев ХХХІІІ жазғы Олимпиада ойындарының жүл­де­герлерімен кездесуінде «Спорт­­ты дамыту арқылы біз кәсіби спортқа жол ашамыз және ең бастысы, ұлт саулығын жақ­сар­тамыз» деген болатын. Ел Президентінің тап­сыр­масы­­мен, Үкімет және облыс әкімі Нұрлыбек Машбекұлы Нәлі­баев­­тың қолдауымен Сыр елінде спорт саласында қар­қынды жұмыс­­­тар жүргізілуде.

Ауданда спортты дамытуға үлкен қолдау жасалып, мәдени-спорттық іс-шаралар көптеп ұйымдастырылуда. Бұқаралық спортты дамыту бағы­тында атқарылып жатқан айтулы жұмыстардың нәтижесінде аудан тұрғындарының 39 пайызы тұрақты спортпен шұғылдануда. Оның қата­рын­да мемлекеттік қызметшілер де бар. Бүгінгі күні қоғамда саламатты өмір салты мен бұқаралық спортты дамыту маңызды міндеттерінің бірі болып табылады. Сондықтан бүгінгі жарысқа аудандағы мемлекеттік қызметшілер қатысып отыр. Мемлекеттік қызметші­лер ел дамуымен қатар са­ла­матты өмір салтын қа­тар ұстауы тиіс. Спорт­тың бұқа­ралық сипатын дамыту­ға ерекше үлес қосулары керек. Осы бағытта бүгін ұйым­­­­дастырылып жат­қан спорт­­­­тық іс-шараның маңызы үлкен деп есептеймін. Бү­гінгі жарыс­та бар­лы­ғыңызға сәт­тілік тілеймін! Мем­лекеттік қыз­мет­шілер ара­сындағы аудан спар­такиадасын ашық деп жариялаймын! – деді аудан әкімі.

Одан кейін Қазақстан Респуб­ли­ка­­­сының Әнұраны орындалып, жарыс бас­талды. Сайысқа барлығы 5 команда қатысты. Олар аудан әкімдігінің құрама командасы, дербес бөлім басшылары, ауылдық округ әкімдерінен екі топ және мекеме мен бөлім басшылары бір топ болып қатысты. Спортшылар сайыстың үш түрі бойынша бақ сынады. Ал­ғашқы кезеңде мем­лекеттік қыз­метшілер арқан тар­тыста күш талас­тырды. «Күш атасын танымас» дегендей, күнделікті қауырт тіршіліктен бір сәт бой жазған қызметкерлер спорттық сайыста белсенділік танытты. Жарыс­та бекітілген бас төрешілер алқасы қазылық етті. Екінші кезеңде спортшылар қол күресті. Бірінен бірі оза шапқан азаматтар спорттың бұл түрінде де қалыс қалмады. Үшінші кезең волейбол, яғни тоспа доп ойыны бойынша өтті.

Сайыста бес команда құрамында 50-ден аса қызметкер тартысты ойын өрнегін көрсетті. Сайыс қорытындысы бойынша бағы мен бабы қатар шапқан командалар жүлделі орын­дармен, демеушілер аты­нан та­ғайындалған қар­жылай сы­й­­а­­қы­мен марапат­тал­­ды. Сондай-ақ аудан әкімі­нің кубогына арналған спарта­киада ойындарына белсене қатысқаны үшін аудан әкімі­нің орынбасары Димаш Байдушев, Қоғалыкөл ауыл­дық округінің әкімі Бақытжан Рақымбеков, эко­номика және қаржы бөлімі­нің бас­шысы Ерлан Ахетов, Сырдария аудандық санита­рия­­лық-эпидемиологиялық бақы­лау бас­қар­масының басшысы Самалбек Өмірбаев, Қалжан ахун ауыл­дық округінің әкімі Ғалым­жан Акбаров аудан әкімінің арнайы алғыс хаты­мен және естелік сыйлықтармен марапатталды.

– Сайыс тартысты әрі көңілді өтті. Басшылар мен қыз­мет­керлер бақ сынаған аудандық спартакиаданы ұйым­­­дастыруда қолдау көр­сеткен жан­­дарға, белсенді атса­лысқан аза­­мат­­­­тарға, демеушілік жаса­ған «Серік­бол» сауда үйінің директоры Мәдина Омарова мен «Биали» спорт дү­кендері желісінің директоры Асхат Қасымұлына арнайы алғысымды білді­ремін, – дейді аудандық дене тәр­биесі, спорт және туризм бөлімінің әдіс­­кері Жадыра Бағдатқызы.