15 қыркүйектен бастап карантин шектеулері енгізілетіні рас па?
Әлеуметтік желілердегі 15 қыркүйектен бастап карантин шектеулері енгізіліп, барлығына бетперде тағу міндеттеледі деген ақпарат жалған болып шықты, – деп хабарлайды Aikyn.kz. Бұл туралы ҚР ДСМ Санитариялық-эпидемиологиялық бақылау комитеті мәлімдеді.
– ҚР Бас мемлекеттік санитариялық дәрігерінің міндетін атқарушының эпидемиялық маусым кезеңінде профилактикалық және эпидемияға қарсы іс-шараларды жүргізуді көздейтін қаулысына сәйкес, осы жылғы 15 қыркүйектен бастап тұмауға қарсы вакцинация жүргізу басталады. Маска кию режимі тек медициналық ұйымдардың қызметкерлері үшін енгізіледі. Ал коронавирус инфекциясының жағдайы бақылануда. Шындыққа жанаспайтын ақпаратты тарататын адамдардың іс-әрекеттеріне құқықтық баға беру үшін материалдар құқық қорғау органдарына берілді, – делінген ресми хабарламада.
