"Жолда қабылдау" акциясы жалғасуда
Ішкі істер министірлігінің нұсқауы бойынша ауданымызда «Жолда қабылдау» акциясы ұйымдастырылып келеді. Акцияның басты мақсаты – тұрғындарға құқықтық көмек көрсету.Тұрғындар үшін қажетті акция Тереңөзек кентінде 16-17 тамыз күндері өтті. «Жолда қабылдау» акциясында аудандық полиция бөлімінің қызметкерлері тұрғындарға құқықтық көмек көрсетіп, барлық сұрақтарға жауап берді. Мамандар тұрғындарға жол қауіпсіздігін қамтамасыз ету мәселелерін және көші-қон заңнамаларының сақталуын түсіндірді. Сондай-ақ халыққа қызмет көрсету орталықтарында тіркеу, тіркеуден шығару, құжат ауыстыру, айыппұл төлеуге қатысты толық ақпарат берді.
Қабылдау аясында сырдариялықтар жол қауіпсіздігіне, қылмысқа қатысты толғандырған сауалдарын қойды. Полиция қызметкерлері көлікті мас күйінде тізгіндеген жүргізушілерге жауапкершіліктің күйшейгенін түсіндірді. Аудандық полиция бөлімінің хабарлауынша, «Жолда қабылдау» акциясы алдағы уақытта да ұйымдастырылады.
«Тт» ақпарат
