Көлік қозғалысы реттеледі

Сырдария ауданында «Қауіпсіз жол» жедел-профилактикалық іс-шарасы  өтуде. Іс-шара 2021 жылдың 8-17 қараша күндеріне жоспарланған.  Акция аясында аудандық полиция қызметкерлері тұрғындарға құқықтық көмек көрсетіп, барлық сұрақтарға жауап беруде.

Тұрғындар арнайы мамандардан жол қауіпсіздігін қамтамасыз ету мәселелері және көші-қон заңнамаларының сақталуы, халыққа қызмет көрсету орталықтарында тіркеу, тіркеуден шығару, құжат ауыстыру, айыппұл төлеуге қатысты ақпараттар алуда.

Қабылдау барысында сырдариялықтар жол қауіпсіздігіне, қылмысқа қатысты толғандырған сауалдарын қойып, нақты мәлімет алуда. Сондай-ақ, полиция қызметкерлері көлікті мас күйінде жүргізген жүргізушілерге жауапкершіліктің күшейетінін айтып өтті.

Айта кетейік, іс-шара ҚР Ішкі істер министірлігінің нұсқауы бойынша ұйымдастырылып отыр.