Медицина мамандары үй жағдайында наусқастарға ем жүргізеді
Негізінен, ақ халатты абзал жандар сырқатқа шалдыққан адамдардың күтіміне тікелей жауапты саналады. Осы күні үй жағдайында ем қабылдайтын науқас саны жеткілікті. Қашанда оларға Сырдария аудандық ауруханасының мамандары көмек қолын созуға дайын. Өз кезегінде аудандық емханаға қарасты «Амбулаториялық медициналық оңалту және қалпына келтіру емі» бөлімшесінің мамандары күнделікті науқастарға сан түрлі ем жүргізеді.
– Біздің бөлімшеде үй жағдайында ем қабылдайтын науқастарға жан-жақты мүмкіндік қарастырылған. Логопед, массаж, физиотерапия секілді бірнеше ем-шара түрін білікті мамандарымыз наусқастардың үйінде жасайды. Әрине, әрбір наусқастың денсаулық көрсеткішіене қарай жақсару үшін барымызды саламыз, – деді «Амбулаториялық медициналық оңалту және қалпына келтіру емі» бөлімшесінің меңгерушісі Серік Маханбетов.
