"Жол жүрісі қауіпсіздігі апталығы" атты акциясы өтуде

Дүниежүзі бойынша қараша айының үшінші жексенбісі жыл сайын жол-көлік құрбандарын еске алудың Дүниежүзілік күні болып табылады. Осыған орай, 13-17 қараша арлығында мүдделі мемлекеттік органдермен, азаматтық қоғам институттары және БАҚ өкілдерімен бірлесіп, республика көлемінде «Жол жүрісі қауіпсіздігі апталығы» атты кең көлемде акциясы өтуде.

Акцияның негізгі мақсаты – жолдарда қаза болу, жарақат алудың жантүршігерлік ауқымына және барлық жол қозғалысы қатысушыларының ықтимал қауіп-қатеріне назар аудару.

Осы ретте, аудандық полиция қызметкерлері акция аясында жүргізушілерге түсіндірме жұмыстарын жүргізуде.

– Жол-көлік оқиғаларының негізгі себептеріне бірінші кезекте – жүргізушілердің жол ережесін бұзуы, оның ішінде жол қозғалысына қатысушылардың жаяу жүргіншілер өткелінен өту талаптарын сақтамауы жатады. Сондай-ақ, жылдамдық ережесі мен басып озу тәртібін сақтамауы және қарама-қарсы бағытқа шығып кетуі салдары адам өміріне қауіп төндіруде. Сондықтан жол ережесін қатаң сақтау керек, – дейді аудандық ЖПҚ ППт қызмет инспекторы полиция аға лейтенанты Олжас Доспанов.

Фото: ашық дереккөзден