Қоғамдық көліктер қауіпсіздігі қадағалауда

Республика көлемінде 2020 жылдың 20-22 қаңтар аралы­ғында «Автобус» жедел-профилак­ти­ка­лық іс-шарасы өтті. Осыған орай аталған іс-шара ауданда ұйымдастырылып, қоғам­дық көлік­тер жүргізушілеріне қауіп­сіздік шаралары түсіндірілді.

Негізінен, жедел-профилак­ти­калық іс-шараның мақсаты – автомобиль жолдарындағы жолаушылар мен жүктерді тасымалдауды жүзеге асыратын жүргізушілер арасында көліктік тәртіпті арттыру, сондай-ақ желіде қызметін тіркеусіз жүзеге асыратын аза­маттарға қатысты бақылауды же­тілдіру. Осыған байланыс­ты аудандық полиция бөлімінің қызметкерлері қоғамдық көлік құралдарының қатысуымен орын алатын жол-көлік оқиғаларының алдын алу және жол қозғалысы ережелерінің талаптарын сақтау туралы түсіндірме жұмыстарын жүргізді.

– Жыл бойына жол қауіпсіздігі­не қатысты профилактикалық іс-ша­ралар өткізіліп отырады. Осы ретте, «Автобус» жедел-профилактикалық іс-­ша­ра­сы бабары­сында аудан орталығынан Қы­зылордаға және елді мекендерге қатынайтын қоғамдық кө­­лік иелеріне қауіпсіздік шара­ларын сақтауды ескерттік. Және де аталған шара шеңберінде масаң күйде көлік басқарған бір жүргізуші анықталды. Қа­зір­гі таңда ауа райының күрт төмендеп, қар жауғанның салдарынан жол тайғақ. Сондықтан жол қозғалысында аса сақ болу қажет, – дейді потрульдік полиция қызметінің аға қызмет инспекторы Әзімхан Әбдірәсіл.

Айта кету керек, мұндай іс-шаралар жол-көлік апаттарының санын төмендетуге, қоғамдық көлік жүргізушілерімен орын алатын жол ережесін бұзушылық жайттарын болдырмауға септігін тигізеді.

Е.БЕРКІНБАЕВ