Қазақстан Ауғанстанға гуманитарлық көмек көрсетеді
![](/uploads/posts/2023-10/medium/1696849925_zagl_2.jpg)
Үкіметтің баспасөз қызметі хабарлағандай, азық-түлік тауарлары, шатырлар, дәрі-дәрмектер, киім-кешек және басқа да қажетті заттардан тұратын гуманитарлық көмек тақау күндері әуе және теміржол көлігімен жөнелтілетін болады.
Сонымен қоса Ауғанстанға үйінділер астында қалған адамдарды құтқару үшін ТЖМ құтқарушылары, соның ішінде кинолог мамандар жіберілмек.
Қазақстан 7 қазанда Герат провинциясында болған жойқын жер сілкіністерінің салдарын жою мақсатында Ауғанстанға қолдау көрсетеді.
Фото: primeminister.kz