Құралайдың кезекті жеңісі

2021 жылы «Қазақстан дауысы» мегажобасында жеңімпаз атанып, Аман­келді ауылының атын аспаннан­ бір-ақ шығарған әнші, жерлесіміз Құра­лай Мейрамбек әлем сахнасын ба­ғындырып, өнерімен халықаралық бай­қау шыңын бағындырды. «Славян базары» байқауында беларусь халқы­ның «Рэчанька» әнін орындаған жерлесіміз үшінші орынды қанжығаға байлады.

Екі күндік байқау нәтижесінде армениялық өнерпаз Маша Мнджоян бас жүлде алса, бірінші орын беларусь Самир Елчиевке берілді. Екін­ші орынды ресейлік Елизавета Слышкина мен ита­­лиялық Agape бөлісті. Үшінші орынды қазақ­стан­дық Құралай Мейрамбек және өзбекстандық Ма­ли­ка Хакимова иеленді.

«Өнерге деген махаббатым 5 жасымнан бас­талды. Содан бері ән шырқап, қазақ өнерін шетелге танытуды мақсат еттім. Сол жолда аянбай еңбек ете беремін» деген еді Сыр елінің мақтанышына айналған қобыз үнді әнші қыз Құралай бізбен бір сұхбатында. Міне, алдына осылай мақсат қойған жас әнші кезекті шыңын бағындырып отыр. «Құр­метті қазақ елім! Байқауда қолдап, жанкүйер бол­ған баршаңызға мың алғыс! Алла қаласа әлі талай көк туымды әлемде көкте желбірететін бола­мын» деп жазды ол әлеуметтік желідегі жеке па­­рақ­шасында.

Біз де жерлесіміздің әлі талай шыңды бағын­дыратынына үлкен сенім білдіреміз. Сондай-ақ Сыр елі талант пен дарын иесі Құралай Мейрамбекке әркез тілектес. Қазақтың бұлбұл қыздарының, қайсар рухты аруларының ізін жалғап, аудан, облыс, республика атын үлкен сахналарда әуелетіп жүрген жас әншіге шығармашылық табыс тілейміз.

«ТТ» ақпарат