Аудан әкімінің төрағалығымен мәжіліс өтті

Аудан әкімі М. Ергешбаевтың төрағалығымен мәжіліс өтті.

Жиынға дербес бөлім басшылары, кент және ауылдық округі әкімдері, сала басшылары қатысты.

Күні кеше елімізде ауқымды әрі маңызды саяси оқиғасының бірі – кезектен тыс ҚР Парламент Мәжілісі және мәслихаттары депутаттарының сайлауы өтті. Ауызбіршілігі мен ынтымағынан айнымаған аудан халқы елдің болашағы үшін белсенді түрде дауыс берді.

Ауданда сайлауға қатысушылардың саны 86,06 пайызды құрап, аудан үздіктер қатарынан көрініп, облыс бойынша алдыңғы үштіктер қатарынан көрінді. Бұл туралы аудан әкімі Мұрат Ергешбаев мәжілісте хабарлады.  

Аудан басшысы саяси маңызды науқанға белсене атсалысқан азаматтардың еңбектерін бағалап, шынайы алғысын білдірді.

Сонымен қатар, көктемгі су тасқынының алдын алу шараларында белсенді қызмет атқарған жауапты мамандарды облыс әкімінің алғысымен марапаттады.