Дауыс берушілерге наурыз көже ұсынылды

№155 сайлау учаскесінің жанында келген дауыс берушілерге арнайы наурыз көже дайындалып ұсынылды.

Сырдария аудандық мәдениет және спорт бөлімінің ұйымдастыруымен ұлттық ойын спорт түрлері ұйымдастырылып, Алтыбақан жанында аудан жастары жиналып, түрлі ойындар өткізілді. Және орталық алаңда "Балауса" халықтық би ансамбілінің қатысуымен флешмоб билері қойылып, концерттік бағдарламалар ұсынылды. Осы орайда Сырдария аудандық мәдениет үйінің кіре берісінде аудандық Әуез мектебінің домбырашылары өз дауысын беруге келген аудан тұрғындарына түрлі әуендермен күйлер тартылып, дауыс берушілерге көтеріңкі көңіл күй сыйлады.