Сырдария ауданына қарасты елдімекендердің электр желілері 100 пайыз жаңартылады

Сырдария ауданына қарасты елдімекендердің электр желілері 100 пайыз жаңартылады. Бұл туралы Өңірлік коммуникациялар қызметінде өткен баспасөз конференциясында Сырдария ауданының әкімі Мұрат Ергешбаев хабарлады.

- Ауданға қарасты Айдарлы, Амангелді, Жетікөл, Қоғалыкөл елдімекендерін электр желілерімен жабдықтауға республикалық және облыстық бюджеттен 1,6 млрд.теңге берілді. Бұл ауылдарда электр желілері 100 пайыз толық ауыстырылатын болады. Мұнымен қатар, Сырдария ауданының ең үлкен ауылы – Шағанда электр желілерін жаңғырту жобасы қолға алынбақ. Қазіргі таңда оған 1,1 млрд.теңге көлемінде қаржы қарастырылды. Сондай-ақ, бұл ауылдардың ішкі көшелеріне жарықтандыру жұмыстары жүргізіледі, - деді аудан әкімі Мұрат Ергешбаев.

@Өңірлік коммуникациялар қызметі