"Сырдария" өзенінен су тасу қаупі жоғары ма?
Сырдария ауданы аумағында су тасқынының алдын алу мақсатында Қызылорда облысы Төтенше жағдайлар департаментінің бастығының орынбасары Б.Әбдіқадіров ауданға арнайы іссапармен келіп, "Сырдария" өзенінің бойындағы қорғаныс бөгеттерінің қазіргі жағдайымен танысты.Аудан аумағында Сырдария өзенінің ұзындығы 75 шақырымды құрайды. Су тасқынының алдын алу мақсатында дария бойында жауапты мекемелер мен арнайы техникалар бекітілген. Сонымен қатар, 10000 дана қап, 700 бау қамыс, 500 дана фашин және 400 дана қада әзірленген.
Бүгінгі күнге Сырдария өзеніндегі жағдай қалыпты, аудан әкімдігі тарапынан күнделікті бақылауға алынған.
