Берекелі Бесарықта жаңа кәсіп

Бесарық ауылына қарасты "Бесарық " ЖШС тың жоба түйеқұс өсірумен айналысуға кірісті. Бұл құсты өсіріп, бағудың өзіндік қиындығы бар. Соған қарамастан "Абай-Дәулет" ЖШС демеушілігімен Африка елінен түйеқұстың 4 жанұясы, 4 еркек 8 ұрғашы, барлығы 12 данасы жеткізілді.

Түйеқұстарын өсіріп, пайда алып отырғандар елімізде сирек кездеседі. Ересек түрлерінің салмағы 75-80 килоға дейін жетеді. Бойы 170-190 см.

Алдағы уақытта жергілікті климатқа жерсіндірілсе, Африкадан түйеқұстардың тағы да 100 данасын жеткізу шаруашылық жоспарында бар.

«Еңбек түбі-береке» деп дана халқымыз айтып кеткендей ауданымызда бұрын соңды болмаған түйеқұстың өзін ауылда өсіріп, одан сапалы өнім алуды кәсіпке айналдырып отырған шаруашылықтың ісі көпке үлгі.