Жаңа жылдық мереке балаларға қуаныш сыйлады

Бүгін Сырдария аудандық ауруханасының ұйымдастыруымен балаларға арналған Жаңа жылдық мереке өтті.

Салтанатты шараға аурухана бас дәрігері Жалғасбек Үсенов қатысып, балаларды келе жатқан Жаңа жылмен құттықтап, ізгі тілегін жеткізді.

– Балалар, келе жатқан Жаңа жыл мерекесі құтты болсын! Жаңа жыл әр бала үшін жыл бойы күтетін ерекше мереке. Сендердің жүздеріңнен күлкі, қуаныш көру біз үшін үлкен мәртебе. Сендер осындай ерекше елде өсіп келе жатқан бақытты ұрпақсыңдар. Зерделі де зерек, білімді де білікті болыңдар. Келер жыл баршаңызға жаңа жеңістер мен жетістіктер алып келсін. Алдағы жылда әр отбасы тек шаттық пен қуанышқа кенеліп, әрдайым еліміз аман, жұртымыз тыныш болсын. Жаңа жылда арман-мақсаттарыңызға жетіп, биіктерден көріне беріңіздер, – деді Жалғасбек Тұрлыбекұлы.

Мереке барысында балалар ертегі кейіпкерлерімен және Аяз ата, Ақшақармен бірге суретке түсіп, Жаңа жылға арнаған тақпақтарын жатқа оқып, көңілді әуенге би биледі.