Тұрғындар өтініші басты назарда

Кеше аудан әкімі Мұрат Ергешбаев аудан әкімінің орынбасары Берік Сәрменбаев, кент әкімі Ержан Бахтияровпен бірге Тереңөзек кентіндегі О.Мәлібаев, Қ.Бөдеев көшелерін аралады.

Аталған көше тұрғындарының өтінішіне сәйкес, О.Мәлібаев елді мекенін аббаттандыру, көше бойындағы тағзым алаңын қайта жаңғырту, балаларға арналған ойын алаңы, демалыс орнын салу жобасы дайындалуда.

Ал, кенттегі ұзын көшелердің бірі, тұрғындар көп шоғырланған, әлеуметтік нысандар орналасқан Қ.Бөдеев көшесін жөндеу және аяқ су жеткізу үшін лоток орнату жоспарлануда.

Сонымен қатар, аталған елді мекеннің тұрғындарынан көтерілген жаңадан клуб пен балабақша құрылысы еді. Бұл мәселені шешу мақсатында жер телімдерін нақтылау бойынша ұсыныс енгізуді аудан әкімінің орынбасарына жүктеді.

Аудан басшысы өзекті мәселелердің барлығы тұрақты назарда болатынын атап өтіп, кент әкіміне әрбір тұрғынның өтінішін назарға алып жұмыс жасауды тапсырды.