Ауыл әкімі жастармен кездесті

Бүгін Ақжарма ауылының әкімі Е.Ешмұратов ауыл жастарымен кездесіп, олардың ұсыныс-пікірлерін тыңдап, жастар саясатын дамыту бағытында атқарылған және алдағы жоспарға енген жұмыстар туралы сөйлесті.

Кездесуге ауылдың жастары мен жасөспірімдер қатысты. Ашық форматта ұйымдастырылған жиында жастарды қолдау шаралары туралы кеңінен айтылды. Ауыл әкімі жастарды қолдау – мемлекеттік саясаттың басым бағыты екенін айтып, жастар кәсіпкерлігін дамытуға ерекше мән беру қажеттігін жеткізді.

Жастар тарапынан бірқатар ұсыныстар айтылды. Олардың орындалуы қаперде болатынын айтқан ауыл әкімі Ақжарма ауылын өркендету бағытындағы жұмыстарға жастар да өз үлес қосу керектігін айтып, олардың бірлесе еңбек етуге шақырды.

Ақжарма ауылдық округі әкімдігі