Тіршілік тынысы Tirshilik-tynysy.kz ақпараттық агенттігі
» » Диқандар мерейі таситын шақ

Диқандар мерейі таситын шақ

Қыркүйек айының алғаш­қы онкүндігінде аудандағы бірқатар шаруашылықтар егін­ге орақ түсірді. Берекелі алтын күзде жаз бойы ты­нымсыз еңбек еткен ди­қандар мен еңбеккерлер жай­­қалған ақ күрішті ысырапсыз жинап алудың қа­мы­на кірісті.

Ақиық ақын Асқар Тоқмағамбетов ауылындағы «А.Тоқмағанбетов Жер» ЖШС-де егінге орақ салу рәсімі өтті. Оған аудан әкімі Мұрат Ергешбаев, ең­бек ардагерлері, шаруашылық төра­ғалары мен қызметкерлер қатысты.

Науқандық жұмыс басталар шақ­та аудан басшысы егін еккеннің мерейі үстем екенін атап, шаруаларға құт­тық­тау лебізін жеткізді.

– Ауданда Сыр күрішін егетін ірі шаруашылықтар жұмысы жолға қойы­лып, шаруасы шираған. Солардың қа­тарындағы «А.Тоқмағанбетов Жер» ЖШС жыл сайын қамбаны астыққа толтырып, аудан мерейінің үстем болуына үлес қосуда. Биыл да шаруашылық диқандары мерей тұғырынан көрінеді деген сенімдеміз. Астықты шашпай-төкпей, ысырапсыз жинап алуға тілек­шіміз. Қамба дәнге толып, диқандар мерейі үстем болсын, – деді аудан әкімі Мұрат Нәлхожаұлы.

Құттықтаудан соң кұрметті меймандар мен ауылдың еңбек ардагерлері алғашқы егін орағының лентасын қиып, астық­тың мол болуына ті­лектес­тік білдірді.

Айта кетейік, шаруашылық 54 адамды жұмыспен қамтып отыр. Биыл 500 гектар жерге күріш дақылы егіліп, 170 гектар ескі жоңышқа күтімге алынған.

Ердос БЕРКІНБАЕВ
10 қыркүйек 2022 ж. 386 0