Егінге орақ түсті
«А.Тоқмағамбетов Жер» жауапкершілігі шектеулі серіктестігінде егінге орақ салу рәсімі өтті. Ауыл халқы мен дала еңбеккерлері үшін қуанышты іс-шараға ауылдың қадірлі ақсақалдары мен диқандар қатысты.Іс-шарада еңбек ардагері Оразалы Оразбаев жиналғандарға ақ батасын беріп, сәттілік тіледі. Лента қию рәсіміне ауданның Құрметті азаматы Злиха Сыздықова қатысты.
Салтанатты іс-шарада «А.Тоқмағамбетов Жер» жауапкершілігі шектеулі серіктестігі директорының уақытша міндетін атқарушы Бақытжан Жақып шаруашылықтың қызметкерлері ала жаздай талмай еңбек еткенін айтып, ендігі мақсат алтын дәнді шашпай-төкпей жинап алу екенін атап өтті.
Карантин талаптары сақталып өткізілген іс-шара қатысушыларға қуаныш сыйлады. Лайым, егініміз бітік шығып, дала еңбеккерлерінің мерейі үстем бола берсін!
