Берекелі Бесарықтағы кездесу

Кеше аудан әкімі Мұрат Ергешбаев Бесарық ауылдық округінде болды. Онда тұрғындармен кездесіп, ұсыныс-пікірлерін тыңдады.

Бесарық ауылы соңғы жылдары қарқынды дамып келеді. Жоспарлы инфрақұрылым жүргізіліп, халықтың тұрмыс-тіршілігіне қажетті жан-жақты жұмыстар атқарылуда.

Биылғы жылы аталған елді-мекенде бірден ұзындығы 8,4 км, құны 246,0 млн.теңгені құрайтын 6 көшеге орташа жөндеу жұмыстары жүргізілуде.

Сонымен қатар, 380 млн.теңгеге жаңадан спорт кешенінің құрылысы салынуда.

Аудан әкімі Мұрат Нәлхожаұлы тұрғындардың талап-тілектеріне орай, тиісті сала басшыларына нақты шараларды қолға алуды жүктеді. Аудан басшысы барлық ұсыныстар бақылауында болатындығын жеткізді.

Сырдария ауданы әкімінің баспасөз қызметі