Мемлекеттік қызметші – қоғамның айнасы

Жақында аудан әкімдігінде өткен жиында мемлекеттік қызметтерді көр­сету ба­рысында туындайтын сұ­рақтар мен оның шешілу жолдары кеңінен тал­қыланды. Оған ҚР Мем­­лекеттік қызмет істері агенттігінің Қы­зылорда облысы бойынша депар­тамент басшысы, Әдеп жөніндегі кеңес төрағасы Ғалым Тұрсынбаев пен облыс әкімі аппаратының әдеп жө­ніндегі уәкілі Бибігүл Үмбетова қа­тысып, түсіндірме жұмыстарын жүр­гізді.

Аудандағы алғашқы іс-шара мемлекеттік қызмет­шілермен кездесуден басталды. Аудан әкімі Мұрат Ергешбаевтың төрағалығымен өткен кездесуге аудан әкімі аппаратының қызметкерлері, дербес бө­лім басшылары мен кент, ауылдық округ әкімдері және персоналды басқару қызметі мен мемлекеттік қыз­меттерді көрсетуге жауапты мамандар қатысты.

Кездесу барысында Департамент басшысы Ғ.Тұр­сын­баев мемлекеттік қызметті өткеру, әдеп нормаларын сақтау және мемлекеттік қызметтерді көрсету сапасын арттыру бойынша атқарылған жұмыстар туралы хабарлама жасап, мемлекеттік қызметтің имиджін арттыру бағытындағы алдағы жоспар­лармен бөлісті.

– ҚР Мемлекеттік қызмет істері агенттігінің Қы­зыл­орда облысы бойынша департаменті мемле­кеттік қызметті өткеру, мемлекеттік қызмет және мем­лекеттік көрсетілетін қызметтер сапасын бақылау ба­ғытында жұмыстар атқарады. 2022 жылдың I тоқ­­саны бойынша Қызылорда облысындағы мемле­кеттік қызметшілердің штат саны 3343 бірлікті құрай­ды. Оның 14-і саяси мемлекеттік қызметші, 1-і «А» кор­пусының мемлекеттік әкімшілік қызметшісі жә­не 3328-і «Б» корпусының мемлекеттік әкімшілік қыз­метшілері. Есепті кезеңде мемлекеттік органдарда 75 бос лауазымдарға орналасуға конкурстар өткі­зілді. Конкурстарға 181 адам қатысып, орта есеппен бір орынға 2,4 үміткерден келді. Өткізілген конкурстар нәтижесінде 50 үміткер бос лауазымдарға қа­былданды. Ішкі конкурстардың нәтижесімен жұ­мыс­­қа қабылданған 18 үміткердің 14-і жоғары лауа­зымдарға тағайындалды. Өткізілген конкурстың бар­лығы қоғамдық байқаушылардың қатысуы­мен өтті, – деді Департамент басшысы.

Ал 2022 жылдың 5 айында Қызылорда облысын­дағы Әдеп жө­ніндегі кеңесінің 5 отырыс өткізіліп, 31 мәселе қаралған болса, оның 14-і тәртіптік істер. Мұнан бөлек І тоқсанда облыстағы мемлекеттік ор­гандарда 7 тексеру жүргізілген, оның ішінде 2-і про­филактикалық бақылау болса, жеке және заңды тұлғалардың, мемлекеттік қызметшілердің өтініштері негізінде 5 жоспардан тыс тексеру жүр­гізілген. Тексерулер барысында 83 бұзушылық анық­талып, мемлекеттік қызмет саласындағы заң­нама бұзушылықтарын жою туралы мемлекеттік ор­ган­дарға 2 ұсыну мен 5 ұйғарым енгізілген. Тексерулер нәтижесімен бұзушылықтарға жол берген 3 мем­лекеттік қызметші тәртіптік жазаға тартылып, 6 азаматтың құқықтары қалпына келтірілген.

– Мемлекеттік қызметшілерінің негізгі мін­деттері­нің және оларға қойылған шектеулерінің, әкімшілік құқық бұзушылықтарға жол бермеуінің сақталуына бақылау жұмыстары да жүргізілуде. Бақылау барысында 3519 мемлекеттік қызметші қамтылып, нә­тижесінде 37 қызметшінің мемле­кеттiк қызметте бо­луына байланысты шектеулерді сақтамағандығы анықталды. Соның ішінде коммерциялық ұйым­дардың жарғылық капиталын­дағы үлестерді сенiм­герлiк басқаруға бермеген 34, кәсiпкерлiк қызметпен айналысқан 2, ақы төленетін қызметпен айналысқан 1 қызметші анықталды. Сырдария ауданының жер­гілікті атқарушы органдарының 12 мемлекеттік қыз­метшісі коммерциялық ұйымдар­дың жарғылық капи­талындағы үлестерді сенiмгерлiк басқаруға бер­мегендігі белгілі болды. Осыған орай мемлекеттік органдардың басшылары, Әдеп жөніндегі уәкіл және Персоналды басқару қызметі (кадр қызметі) мем­лекеттік қызметшілерінің тәртіптік, әкімшілік, қыл­мыстық құқық бұзушылықтар жасауына тоқсан сайын мониторинг жүргізу, еңбек уақытының сақ­талуына, БАҚ көздерінде жарияланған сыни пікір­лерге тұрақты түрде талдау жүргізіп, тиісті шаралар қабылдау қа­жет, – деді Ғ.Тұрсынбаев.

Ал облыс әкімі аппаратының әдеп жөніндегі уә­кілі Б.Үмбетова мемлекеттік қызметшілерге Әдеп кодексінің жаңа редакциясын таныстырып, мінез-құ­лық стандарттарын түсіндіріп өтті.

– Жаңа Әдеп кодексі ең алдымен қызметтік әдеп стандарттарын белгілеуге бағытталған және мемлекеттік қызметшілердің бойында моральдық-адамгершілік қасиеттерді орнықтырудың негізі болып табылады. Мысалы, мемлекеттік қызметші іс­кер­лік әдеп пен ресми мінез-құлық қағидаларын сақ­тауға, азаматтардың көз алдында өздері өкілі болып табылатын мемлекеттік органдардың абыройы мен беделіне айқын нұқсан келтіретін әрекеттер жасауға жол бермеуге тиістігі жөнінде өзге де талаптар енгізілген. Кодекс халықтың мемлекеттік органдарға сенімін нығайтуға, мемлекеттік қызметте өзара қарым-қатынастың жоғары мәдениетін қа­лып­тастыруға және мемлекеттік қызметшілердің әдепсіз мінез-құлық жағдайларының алдын алуға ба­ғытталған, – деді Б.Үмбетова.

Жұмыс сапары барысында Әдеп жөніндегі кеңес төр­ағасы азаматтарға жеке қабылдау жүр­гізді. Қабылдауда мемлекеттік қызметті өткеру жә­не мемлекеттік көрсетілетін қызметтер мәселе­ле­рі­не қатысты сұрақтармен жүгінген азаматтарға тү­сін­дірмелер берілді. Департамент басшысы аудандық халыққа қызмет көрсету орталығының жұмысымен де танысты. Қызмет алушы­ларға көрсетіліп жатқан мемлекеттік қызметтердің сапасына мониторинг жасалды. Мекеме жұмысымен аудандық халыққа қызмет көрсету орталығының директоры, аудандық мәслихат депутаты Ж.Ембергенов таныстырды.

Ақтөре ИБРАГИМҰЛЫ