ҚЫЗЫЛОРДА ОБЛЫСЫНДА ЦЕМЕНТ ЗАУЫТЫНЫҢ ТАНЫСТЫРЫЛУЫ ӨТТІ
![](/uploads/posts/2017-12/thumbs/1512621030_1512618809_24837535_1141986979237703_1664824907253332399_o.jpg)
Индустрияландыру аясындағы жалпыұлттық телекөпірде Мемлекет Басшысы қуаттылығы 1 млн. тонна болатын цемент зауытының құрылысымен танысты. Тампонажды цемент зауыты 2019 жылы жұмысын бастайды.
«Гежуба Шиелі Цемент» ЖШС-нің басқарма төрағасы Ли Минг жобаның жүзеге асырылуы туралы баяндады.
- Бүгінгі жүзеге асып отырған бірлескен жоба - Қазақстан-Қытай ынтымақтастығының бірден-бір мысалы. Зауыттың негізгі өнімі - тампонажды цементтің 30 пайызы ТМД, Қытай және Орталық Азияға экспортталатын болады. Жоба құны 64 миллиард теңгені құрайды, - деді Ли Минг мырза.
Мемлекет Басшысы кәсіпорынның жұмысына сәттілік тіледі.