Ақпараттық-түсіндірме жұмыстары оң нәтижеге бағыттайды

Мемлекеттің дін саясатын жүзеге асыруда 2021-2023 жылдарға арналған кешенді жоспарға сәйкес облыстық АТТ мүшелерінің қатысуымен өткен аптада облыс көлемінде ақпараттық-түсіндірме жұмыстары басталған. Аталмыш іс-шара Жалағаш, Сырдария аудандары мен Қызылорда қаласында жалғасуда.

«Дін мәселелерін зерттеу орталығы» КММ-нің аға мамандары, теолог Қ.Кеңесбеков пен А.Ерубай және облыстық АТТ мүшелері М.Нұржанов пен С.Алдашбаев ауылдық мәдениет үйлерінде жергілікті тұрғындармен, мемлекеттік мекеме қызметкерлерімен, мешіт жамағаты сондай-ақ аудандық жастар ресурстық орталығында ауыл жастарымен кездесіп, дәстүрлі емес діни ағымдардың алдын алу бағытындағы ақпараттық-түсіндірме жұмыстарын жүргізді.

Сондай-ақ АТТ мүшелері кездесуде бекітілген жоспарға сәйкес күн тәртібіндегі өзекті тақырыптарды негізге ала отырып санадағы зайырлы мемлекет түсінігі, ондағы дін мен мемлекеттің қатынасы, салт пен сананың жастар арасында кемелденуі және ұлттық құндылықтарымызбен салт-дәстүр тарихы кеңінен айтылды.

Дін мәселелерін зерттеу орталығы