Тереңөзек-Қызылорда бағытында шағын автобус жүргізілуде

Тереңөзек кентіндегі заңсыз такси иелеріне аудандық жұмысшы топ мүшелерімен қатар, қоғамдық кеңес, ардагерлер кеңесі және т.б тұлғалардың қатысуымен түсіндірме жұмыстары жүргізілді.

Аталған жұмыстар барысында такси қызметімен заңға сәйкес жұмыс жасау үшін «Орда Транс логистикс» ЖШС-гі тарапынан заңдастыру жұмыстарын жүргізуге көмек беретіндігі жеткізілді.

Сонымен қатар, жұмысшы топ және қоғамдық, ардагерлер кеңесі мүшелерімен Қызылорда-Тереңөзек аралығына қатынайтын такси қызметінің бағасын 600 теңгеден 500 теңгеге түсіру мәселесі қозғалып, такси қызметкерлеріне ұсыныс білдірілді.

Сонымен қатар, бүгінгі күні облыстық жолаушылар көлігі және автомобиль жолдары басқармасының ұйымдастыруымен Тереңөзек-Қызылорда бағытына жолаушылар ағымын зерделеп үйрету мақсатында жол ақысы 400 теңгеден Toyota Hiace миниавтобусы жүргізілуде. Аталған маршрут Қызылорда қаласының Аль-Асад аумағынан Тереңөзек кентіндегі аудандық білім бөлімі мекемесінің алдындағы (кент әкімдігіне қарама қарсы) аялдамадан жүріп жатыр. Алдағы уақытта жолаушылар ағымы үйренген уақытта қосымша автобустар жүру жоспарлануда.