Бүгінгі күн несімен ерекшеленеді?

Бүгін күнтізбе ақпанның 22-жұл­дызын көрсетеді. 2022 жылдың екін­ші айына тура келген 22-күн. Ғалымдардың айтуынша, бірдей сан қайталанып келе­тін бұндай атаулы күндерде ерекше ғарыштық байланыстар орын алатын көрінеді.

Бұл күні жапондықтар мысықтар күнін атап өтеді. «Естімеген елде көп» деген, атаулы мереке жыл сайын кең көлемде тойланады екен.

Сондай-ақ бұл күн – өркениетті әлемде бейресми түрде халық­аралық қылмыс құрбандарына қол­дау көрсету күні.

22 ақпан күні ХХ ғасырдағы ең ірі кеме апаты тіркелсе, америкалық ғалым Зельман Ваксман «стрептомицин» антибиотигін ойлап тапқан. 1966 жылдың дәл осы күні Кеңес одағы «Космос-110» спутнигін ғарышқа ұшырған. Ал Алматыда осы күні Ұлы Отан соғысы жылдарындағы Қазақстанның жеңіске деген орасан зор үлес қосқанын ұмытпау мақсатында ұйымдастырылған «Память» клубы құрылған.

АҚШ-тың тұңғыш президенті Джордж Вашингтон, неміс философ Артур Шопенгауэр, итальян әртісі Джульетта Мазиналар 22 ақпанда дүниеге келсе, ақын Совет Әлімқұлов, ғалым Нағима Айтхожиналар да дәл осы күні туған.

Сондай-ақ 22 ақпанда әлемде «Жақсы көңіл-күй мерекесі» аталып өтіледі. Ендеше әр күнімізді әсемдеп, сәттерді бағалай білейік!

Дайындаған

Аружан МҰХАНБЕТҚАЛИ