Тергеушілер қайырымдылық көмек жасады

Қайырымдылық – қайырлы іс, үлкен-кішіге үлгі етерлік жақсы амал. Осынау мәнді де мағыналы ұғымды жұмыстарына арқау еткен Сырдария аудандық полиция бөлімінің тергеушілері бүгін тереңөзектік мұқтаж отбасыға қайырымдылық көмек көрсетті.

Қайырымдылық іс-шарасына аудан­дық полиция бөлімі бастығының тергеу ісі жөніндегі орынбасары, полиция подполковнигі Нұрбол Нұржакиев, тер­геуші Бауыржан Аблазиев, курсант Рүс­тем Шахтай және аудандық мәслихат депутаты Ақтөре Ибрагимұлы қатысты.

– Қолдан келсе, мұқтаж отбасыларға көмек көрсетіп, қолдау білдіріп келеміз. Бүгін де жақсы амалды жүзеге асырып жатырмыз. Әлеуметтік аз қамтамасыз етілген отбасы үшін тұрмысқа қажетті азық-түлік пен тәттілер алдық. Мұн­дай игі жұмыстарды бұрын да ұйымдас­тырғанбыз және алдағы уақытта да жалғастыратын боламыз. Аудандық по­ли­ция бөлімінің тергеушілері қайырым­дылық іс-шараларына белсене атсалысып келеді, – деді аудандық полиция бөлімі бастығының тергеу ісі жөніндегі орынбасары, полиция подполковнигі Нұр­бол Нұржакиев.

Өз кезегінде аудандық мәслихат депутаты А.Ибрагимұлы тергеушілердің жұмысы жауапкершілікке толы екеніне назар аударып, қиын әрі күрделі жұ­мыстан уақыт тауып, қайырымдылық іс-шараларын ұйымдастырып жатқан тер­геушілердің жұмыстарына жеміс ті­леді. Сондай-ақ қоғамдағы тәртіп пен қауіпсіздікті қамтамасыз етуде құқық қорғаушылардың алатын орны ерекше екенін атап өтті.

Ал әлеуметтік аз қамтамасыз етілген отбасының мүшесі, көпбалалы ана Сырдария аудандық полиция бөлімінің тер­геу­шілеріне шынайы ризашылығын біл­діріп, аналық алғысын айтты.

Б.ОРДАБЕКОВ