Ауыл әкімі халық алдында есеп берді

Бүгін Қоғалыкөл ауылдық клубында ауыл әкімі Бақытжан Рақымбеков пен жергілікті учаскелік полиция инспекторы Ержан Дүйсенбаевтың халық алдында есеп беру кездесуі өтті.

Есептік кездесуге аудан әкімінің орынбасары Димаш Байдушев, аудандық полиция бөлімі бастығының орынбасары, полиция подполковнигі Нұрлыбек Қордабаев және елді мекендегі мекеме басшылары мен ауыл тұрғындары қатысты.

Ауыл әкімі Бақытжан Рақымбеков 2021 жылы атқарылған жұмыстары туралы баяндама жасады.

Сонымен қатар, 2022 жылға жоспарлаған міндеттеріне тоқталып, ауылдық округ көлемінде атқарылуға тиісті жұмыстардың жобаларымен таныстырды.

Тұрғындар тарапынан елішілік мәселелер қозғалып, ұсыныс-пікірлер айтылып, сұрақтар қойылды, толыққанды түсіндірме-жауаптар берілді.

Мұнан соң аудан әкімінің орынбасары Д.Байдушев Қоғалыкөл ауылының тұрғындарын жеке мәселелері бойынша қабылдады.

Жұмабек ЕМБЕРГЕНОВ,
аудандық мәслихат депутаты