Құрметті зейнет демалысына шықты

Аманкелді ауылдық әуез мектебінің ұжымы есепшісі Палкүл Әбдіғаппарқызын құрметті зейнет демалысына шығарып салды.

Ауыл әкімі Мейрамбек Нұрғалиев аталған шараға арнайы қатысып, өз құттықтауын жеткізді.

Шара әуез мектебі оқушыларының әзірлеген тосын-сыйымен және концерттік қойылымымен жалғасты.

Елді мекендегі әуез мектебі мен мектеп-лицейінде 41 (қырық бір) жылға жуық уақыттан бері адал қызмет жасап, ауылдың экономикалық дамуына өз үлесін қосқан Палкүл Әбдіғаппарқызына аудандық білім бөлімі басшысының «Құттықтау» хаты ұсынылып, ұжымның дайындаған сый-құрметі табысталды.

Мұнан соң ардагер әріптестері бейне көрсетілім арқылы тілектерін айтып, әріптестері мен туыстары ыстық лебіздерін жеткізді.

Палкүл Әбдіғаппарқызы ауыл әкіміне және әуез мектебінің директоры мен ұжымына, туыстарына зор алғысын білдіріп, барлығына сәттілік тіледі.