Тұрғындардың қауіпсіздігі – басты назарда болуы керек

Аманкелді ауылының әкімі Мейрамбек Нұрғалиевке ауыл тұрғындары өз өтініштерін жеткізген болатын.

Елді мекен тұрғындарының көтеріп жүрген мәселелерін қарап, мамандарға ауыл тұрғындарының талап-тілегін тез арада реттеуді тапсырды. Ескі, құлауға сәл-ақ қалып тұрған электр бағаналарын ауыстыру қажеттігін жеткізді.

Осыған байланысты жауапты мамандар тұрғындармен бірге ауылішілік көшелерді аралап, толыққанды зерттеп шықты.

Мұнан соң елді мекен ішінде 8 (сегіз) электр бағанасы тұрғындар үшін қауіпті екендігі анықталып, ағымдағы жөндеу жұмыстары жүргізілуде.

Ауыл тұрғындарының ұсыныс-пікірлері мен шағымдары әрдайым басты назарда болатындығын жеткіземіз.

Арнайы мамандарымен және техникамен қамтамасыз еткен тиісті мекемелерге ауыл тұрғындары атынан алғысымызды білдіреміз.