«Құқықтық тәртіп» жедел-профилактикалық іс-шарасы өткізіледі

Қызылорда ОПД-нің 14.01.2022 жылғы № 30-30-41/30-И санды тапсырмасында, ҚР ІІМ-нің нұсқауына сәйкес, төтенше жағдай салдарынан  болған зардаптарды жою және аудан көлемінде құқықтық тәртіпті сақтау, көшелерде және басқа да қоғамдық орындарда қылмыстардың ескерту, жолын кесу және жол қозғалысын қадағалау мақсатында  «Құқықтық тәртіп» жедел-профилактикалық іс-шарасы өткізіледі.

Іс-шараларды өткізу кезеңінде: - қоғамдық орындар мен көшелерде қылмыстар мен құқық бұзушылықтардың алдын алу және жолын кесу, көңіл-көтеру орындарында және басқа да азаматтардың көпшілік жиналатын аймақтардапатрульдеуді ұйымдастыру;

- ІІО жедел қызығушылық тудыратын адамдарды анықтау үшін құрылыс, оның ішінде тоқтатылған және тасталған объектілерді, шатырларды, жертөлелерді, кәріз шұңқырларын және т.б. тексеруді ұйымдастыру;  

 

- қару-жарақтың, оқ-дәрілердің және басқа да тыйым салынған заттардың заңсыз айналымы фактілерін анықтау, сатып алу көздерін және аудан аумағына келу арналарын анықтау жөнінде шұғыл шаралар қабылдауды;

- ұрланған және айдап әкетілген автокөлікті анықтау мақсатында  гараж массивтерін, автокөліктік кәсіпорындарды тексеруді ұйымдастыру;

- еліміздегі болу ережесін бұзған, шығару туралы сот шешімін орындамаған шетелдіктерді, заңсыз көші-қонды ұйымдастырушыларды, сондай-ақ шетелдік жұмыс күштерін тарту ережесін бұзушы жұмыс берушілерді анықтау; 

 - жастар және кәмелетке толмағандар шоғырланған жерлерде олардың қоғамға қарсы іс-әрекетін анықтау және құжаттандыру, сондай-ақ олардың тарапынан бақылаусыздық фактілерінің жолын кесу мақсатында жұмыс жасау;

- Жол қозғалысы ережелерін өрескел бұзуды (көлік құралын мас күйінде  басқару, бағдаршамның тыйым белгісінен өту, қарсы қозғалыс жолағына шығу, жылдамдық режимін бұзу т.б.) анықтау;

- жеке құрамның заңдылықты қатаң сақтауы, азаматтармен сыпайы да  ықыласты қарым-қатынас жасауы туралы күнделікті нұсқаманы жүзеге асыру бойынша жұмыстарды жандандыру болып табылады.