"Құқықтық тәртіп" жедел-профилактикалық іс-шарасы басталды

Облыстық полиция департаментінің 11 наурыздағы арнайы нұсқауына сәйкес, аудандық полиция бөлімінің ұйымдастыруымен "Наурыз" мерекесі қарсаңында қоғамдық орындарда және көшелерде қоғамдық тәртіпті сақтау, қылмыстардың алдын алу және жолын кесу мақсатында 12-18 наурыз аралығында "Құқықтық тәртіп" жедел-профилактикалық іс-шарасы өткізілуде.

Іс-шара барысында тәртіп сақшылары қоғам тыныштығын күзетіп ғана қоймай, түрлі деңгейдегі қылмыстарды болдырмауға жұмыла жұмыс жасайды. Жекелеген қылмыстардың алды-алу мақсатында тұрғындарға  түсіндірме жұмыстарын жүргізеді. Мереке күндері қоғамдық тәртіптің сақталуын қатаң  қадағалайды.