Тіршілік тынысы Tirshilik-tynysy.kz ақпараттық агенттігі
» » Қызылорда облысында төтенше жағдай талабын бұзған 289 адам анықталды

Қызылорда облысында төтенше жағдай талабын бұзған 289 адам анықталды

Қызылорда облысында төтенше жағдай талабын бұзған 289 адам анықталды.

Облыстық полиция департаменті халықтың қауіпсіздігі мен тыныштығын қамтамасыз ету бағытында жедел іс-шаралар жүргізіп келеді. Өңірде 5-19 қаңтар аралығында төтенше жағдай режимі жарияланып, оған қатысты негізгі шаралар мен шектеулер бекітілді.

Төтенше жағдай талаптарын бұзғаны үшін 289 адам анықталды. Оның ішінде Әкімшілік кодекстің 476-бабымен - 215, 488-бабымен - 74 құқық бұзушылық тіркелді. Қызылорда облысының мамандандырылған әкімшілік соты 7азаматқа ескерту беріліп, 28-не айыппұл салынса,186-сы әкімшілік қамауға алынды. «Өткізіліп жатқан іс-шаралардың басты мақсаты - қоғамдық тәртіпті сақтау және тұрғындардың қауіпсіздігін қамтамасыз ету, сондай-ақ түрлі құқыққа қарсы іс-әрекеттерге жедел назар аудару. Төтенше жағдай режимі кезіндегі талаптардың сақталуын қадағалау мақсатындағы жұмыстар жалғасуда», - деді Қызылорда облысының коменданты, полиция полковнигі Бектөре Сұлтан.
14 қаңтар 2022 ж. 243 0