Бірнеше құқық бұзушылық анықталды

Қазақстан Республикасы Ішкі істер министрлігің нұсқауына сәйкес, Сырдария ауданы көлемінде өткізіліп жатқан «Құқықтық тәртіп» жедел-профилактикалық іс-шарасы барысында бөлімнің жергілікті полиция қызметімен біршама құқық бұзушылықтар анықталды.

Өткізіліп жедел профилактикалық іс-шараның 3-күнінде бөлімнің қызметкерлерімен барлығы  – 72 құқық бұзушылық анықталды. Сонымен қатар Патрульдік полиция тобының қызметкерлері қызметтік міндеттерін атқару барысында жол-жүрісі қағидасын өрескел бұзушы яғни ішімдік ішіп, автокөлікті масаң күйде басқарған 3 жүргізушіні ұстап апаттық жағдайдың алдын-алды. Медициналық куәландыру қорытындысына сәйкес кінәлі жүргізушілердің масаң күйде болғандары анықталып, аталған 3 құқық бұзушыларға ҚР ӘҚБтК-нің 608-бабына сәйкес әкімшілік хаттама рәсімделіп, Сырдария аудандық сотымен көлік құралын басқару құқығынан 7 жыл мерзімге айырылып, 15 тәулікке әкімшілік қамауға алынды. Жүргізушілердің автокөліктері айыптұраққа қойылды.