Сора өсімдігін өсірген тұрғын анықталды
Tirshilik-tynysy.kz. – Республика көлемінде өткізіліп жатқан «Қарасора 2020» және аудан көлеміндегі «Участок» жедел профилактикалық іс-шарасы барысында биылғы жылдың маусым айының 7 күні Сырдария аудандық полиция бөлімі қызметкерлерімен сора өсімдігін өсірген тұрғын анықталды.– Жедел профилактикалық іс-шара барысында Сырдария ауданы Шаған ауылы тұрғынының үйінің ауласынан арнайылап бапталған 10 түп сора өсімдігі анықталып, тәркіленді. Қазіргі таңда Сырдария аудандық полиция бөлімінде Қазақстан Республикасының Қылмыстық Кодексінің 300 бабы 1-бөлігі бойынша қылмыстық іс қозғалып, тергеу амалдары жүргізілуде, – дейді Сырдария аудандық полиция бөлімі бастығының орынбасары, полиция подполковнигі Бауыржан Тұрман.
"ТТ" ақпарат
