«Киік» табиғат қорғау акциясы жұмысын жалғастыруда

Бүгінгі күні сайын даланың еркесі, киелі ақбөкен жануарының азаюы­на байланысты табиғат жанашырлары республикалық деңгейде ар­на­йы «Киік» табиғат қорғау акция­сы­ның жұмысын жалғастыруда.

Жақын­да Қы­зылорда облыстық орман шаруа­шылығы және жануарлар дүниесі ау­мақтық инспекция­сы, ҚР ҰҚК шекара қызметінің Қызылорда облысы бойынша департаменті, жергілікті полиция қызметкерлері, «Охотзоопром» ӨБ» РМҚК-ның Қызылорда өңірлік филиалы және Қызылорда қоғамдық телерадиокомпаниясының өкілдерінің қатысуымен арнайы брифинг өткізіліп, облыс көлемінде жұмыс жасайтын ұтқыр топтар құрылды. Іс-қимыл графигі жасалып, жұмыс топтары бүгінгі таңда жұмыстарын бастап кетті. Облыстық инспекция, Охотзоопром, жергілікті полицияның табиғат қорғау мамандарына және Сырдария орман қорғау қызметкерлерінің жұмыстарына сәттілік тілей отырып, аудан тұрғындарына ақбөкен аңын табиғатта кездестірген жағдайда жа­нашырлық танытып, қорғап, сақтап қалуын сұраймыз. Алдағы уақытта ақбөкендердің санын көбейтсек, бола­шақ ұрпаққа құнды сый болары сөзсіз.

Т.Сәтбаев,

«Сырдария орман және

жануарлар дүниесін қорғау

жөніндегі мемлекеттік мекемесінің» орманды қорғау

және күзету жөніндегі

патолог инженері