Қызылорда облысында 4 221 талапкер грант иегері атанды

2020-2021 оқу жылының қорытындысы бойынша облыс көлемінде 7 004 оқушы мектеп бітірді. Олардың 5 937-і ҰБТ-ға қатысып, тестілеу нәтижесімен жоғары оқу орындарына құжат тапсырған 5 184 талапкердің 81 пайызы, яғни 4 221 талапкер мемлекеттік білім беру грантына қол жеткізді. Өткен оқу жылымен салыстырғанда грант иегерлерінің саны – 1163 түлекке көбейіп отыр.

Гранттардың бөлінісі бірнеше басым бағыттарға қарай тағайындалды. Атап айтқанда, талапкерлердің басым көпшілігі педагогика саласы мен медицина, ауыл шаруашылығы және техникалық мамандықтарға грантқа оқуға түскен. Жалпы мектеп бітірушілердің 99,6%-ы жоғарғы және арнаулы оқу орындарына орналасты.

Айта кетейік, 2020-2021 оқу жылының қорытындысы бойынша 597 түлек «Алтын белгі»иегері атанған.