Аудан әкімінің орынбасары Талғат Нұртазаев әлеуметтік сала ардагері, «ҚР Әлеуметтік-еңбек саласының үздігі» төс­­бел­­­гісінің иегері жәмиға іздібаеваны қабылдап, ҚР Еңбек және халықты әлеуметтік қорғау министрлігінің «еңбек арда­гері» медалін табыстады. аудан әкімінің орынбасары сала үздігінің ауданның әлеу­меттік-экономикалық дамуына сіңірген еңбегіне тоқталды.
Т.Нұртазаев сала ардагері Ж.Іздібаеваны құттық­тап, марапат иесінің еңбек жолы жас мамандарға үлгі-­өнеге екенін айты.

– Өз жұмысына жауапты әрі тапсырылған іске тия­нақтылықпен қарайтын Жәмиға Іздібаева – жұрт­шылықпен жұмыс жасауды терең меңгерген білікті маман, әлеуметтік саланың құрметті ардагері. Алдына жұмыспен келген әр адамның мұң-мұқтажын мұқият тыңдап, мәселесін шешуге жанашырлықпен қарап, жұмыстың нәтижелі бітуіне күш салатын қасиетін әріптестері жоғары бағалайды. Қиын әрі күрделі салада жұмыс істеу тәжірибемен қатар кіші­пейілділікті, адалдықты және аса жауапкершілікті талап етеді. Осы қасиеттердің бәрі бойына

н табылатын Ж.Іздібаева қатардағы маманнан бас­тап бөлім басшысының орынбасары, аудан әкімдігінің «Халықты жұмыспен қамту орталығы» мекемесінің директоры секілді лауазымдарды абыроймен атқар­ды. Өз ісіне, есеп-қисапқа өте мығым маман ретінде ұжымда абыройлы болды. Жастарды тәрбиелеп, әлеуметтік сала жұмысының ілгері басуына зор үлес қосты, – деді аудан әкімінің орынбасары.

Атап өту қажет, құрмет көрсету іс-шарасына ау­дандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы М.Қаратаев, аудандық халықты жұмыспен қамту орталығының директоры Е.Дәуітбекұлы, БАҚ өкілдері қатысты.

Өз кезегінде Ж.Іздібаева құрмет көрсеткен әріп­тестеріне алғысын айтып, жұмыстарына жеміс тіледі.