Халық қалаулысы ардагермен кездесті

Бүгін Сырдария аудандық мәслихат депутаты Ақтөре Ибрагимұлы «Nur Otan» партиясының Канвассинг жобасы аясында еңбек ардагері, «Сырдария ауданының Құрметті азаматы» Рақымжан қажы Бәйменовпен кездесті. Бұл туралы халық қалаулысы "фейсбук" әлеуметтік желісіндегі жеке парақшасында жариялады.

– "Бүгін еңбек ардагері, «Сырдария ауданының Құрметті азаматы» Рақымжан қажы Бәйменовтің шаңырағында болып, карантин талаптарына сәйкес кездесу өткіздім.

Ардагерге «Nur Otan» партиясының сайлауалды бағдарламасының аудандағы орындалу барысы, депутаттық қызметімнің жартыжылдық қорытындысы және алдағы жоспарларым жөнінде ақпарат бердім.

Ақсақал депутат мандатын иеленген азаматтар халық пен билік арасында дәнекер болуы қажет екенін атап, атқарып жатқан жұмыстарымыздан хабардар екенін айтты. Кездесу соңында алғаусыз ақ көңілімен ақ батасын берді, – делінген жазбада.