Жем-шөп дайындау жұмыстары жалғасуда

Табиғаттың тосын мінезінің, қуаңшылық жағдайының алдын алу мақсатында аудан көлемінде бірқатар шаруашылықтар мен ауылдық округтерде қысқы мал азығын жем-шөп дайындау жұмыстары қарқынды жүргізілуде.

Оның ішінде Шаған ауылдық округіне қарасты «Шаған жер» ЖШС-і 2900 гектар күріш, 357 гектар бидай, 105 гектар мақсары, 234 гектар жаңа жоңышқа егіп, 1055 гектар ескі жоңышқаны күтімге алды.

Қазіргі таңда шаруашылықта 1055 гектар жоңышқаның ІІ-орымын ору жұмыстары басталды. Барлық жиналған өнімді елді мекендегі тұрғындар мен шаруашылық құрылымдарына қолжетімді бағада ұсынуда.

Мал азығы үшін жоңышқа шөбін ору, жинау жұмыстарына 2 жатка, 3 шөп басатын техника және 3 жүк көліктері жұмылдырылды.

Осыған сәйкес «Шаған жер» ЖШС-і І-орымынан Арал ауданында ұйымдастырылған жәрмеңкеге 850 жоңышқа пресс жеткізді.

Арал ауданының тұрғындарын қолжетімді бағада шөппен қамтамасыз етуге аталған серіктестіктің ынталы екендігін жеткіземіз.