Заңсыз жолаушы тасымалдағаны үшін әкімшілік айыппұл салынды

Сырдария аудандық сотында азамат У-ға қатысты Қазақстан Республикасының ӘҚБтК-нің 463-бабының 1-бөлігімен әкімшілік құқық бұзушылық туралы іс қаралды.

Іс құжаттарына сәйкес, құқық бұзушы У. құзырлы органға дара кәсіпкер ретінде тіркелместен, жеке көлігімен жолаушы тасымалдаған, яғни тiркеусiз кәсiпкерлiк қызметпен айналысқан.

Сот отырысында құқық бұзушының кінәсі, іс құжаттарымен және оның кінәсін мойындаған жауабымен дәлелденген.

Сот қаулысымен құқық бұзушы У. Қазақстан Республикасының ӘҚБтК-нің 463-бабының 1-бөлігімен кінәлі деп танылып, әкімшілік құқық бұзушылық құралын тәркілемей оған 30 628 теңге көлемінде әкімшілік айыппұл салынды.

Сырдария аудандық сотының баспасөз қызметі