ҒАСЫР ЖАСАҒАН АНАЛАР
«Нұр Отан» партиясының "Ардагерлерді ардақтайық" жобасы аясында аудан тұрғындары 100 жастан асқан Сәлима Күдебаева мен Балшай Маханбетова шаңырағына аудандық партия филиалы төрағасының бірінші орынбасары Е.Жақып, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Ғ.Акбаров, Тереңөзек кенті әкімінің орынбасары А.Ұзақбаев, Н.Ілиясов ауылдық округінің әкімі С.Нұрмағанбетовтер арнайы барып, Халықаралық әйелдер мерекесімен құттықтады.
Өз кезегінде аналарға "Нұр Отан" партиясы төрағасының бірінші орынбасары М.Әшімбаевтың құттықтау хаты мен арнайы сыйлығы табысталды. Ғасыр жасаған аналар құттықтап келген сала басшыларына алғысын айтып, ақ батасын берді.
Б.ОРДАБЕКОВ
