Аудан әкімінің орынбасары Б.Өтегенова ғасыр жасаған ананы құттықтап, аудан әкімінің Алғыс хатын тапсырды. Ардақты жанға зор денсаулық, ұрпақтарына саулық тіледі. Сонымен бірге, арнайы сый-сияпат ұсынып, аудан әкімі Ғ.Қазантаевтың сәлемдемесін жеткізді. Өз кезегінде аудандық ардагерлер кеңесінің төрағасы Х.Әбенұлы қарт ананың тылда атқарған қажырлы еңбегіне тоқталып, өмірі өнегелі ананың жүріп өткен жолы жас буын үшін үлгі екенін айтты.
Игі шара барысында 100 жасқа толған Сәлима әже жиналғандарға ақ батасын берді. Әженің кенже келіні атқарушы билік өкілдері мен ардагерлерге әулет атынан өз алғысын білдірді.