Ауыл тұрғындары тасаттық берді

Аманкелді ауылдық округінің тұрғындары ел амандығы үшін игі істе бас қосты.

Атап айтқанда, Смайл Сейітжанов, Нурман Абдрасилов секілді ауыл азаматтары тұрғындардан қаржы жинап ірі қара малды тасаттық құрбандығына шалды.

Əуелі қасиетті 7 күлше таратылып, қаза болған барша кісілерге Құран оқылып, сауабы бағышталды.

Ел ақсақалдары батап беріп, ел амандығын тіледі. Ірі қара малының етін елді мекендегі мұқтаж 16 отбасыға ауыл азаматтары табыстады.

Арнайы ас дайындалып, қазыналы қарттарымыз елдің амандығын сұрады.

Ауыл әкімі Мейрамбек Қылышбекұлы арнайы қатысып, тұрғындардың ауызбірлігін тіледі.

Барлық үлес қосқан ауыл тұрғындарына алғыс білдіреміз. Тілеген дұға-тілектеріңіз қабыл болсын.