Қазақстанда күн салқындайды
"Қазгидромет" синоптиктері 18-20 мамырда Қазақстанда ауа райы күрт құбылады деп болжайды. Осы кезеңнің соңында бірнеше облыста күн салқындайды.Метеорологтардың мәліметінше, апта ортасында Қазақстанның басым бөлігінде тұрақсыз ауа райы күтіледі, атмосфералық фронтальды жүйелердің өтуіне байланысты кей жерде күн күркіреп, шығыста, солтүстікте, орталықта жаңбыр жауады.
"20 мамырға жақын еліміздің оңтүстік-шығысында кей жерлерде қатты жаңбыр жауады. 19 мамырдан бастап Салехард аудандарынан суық антициклонның ығысуымен күндізгі ауа температурасы солтүстікте 12-17 жылыға дейін, орталықта 15-20, кей жерлерде 12 градусқа ғана жылып, шығыста 10-15, кей жерлерде +7 градусқа дейін төмендейді. Республика бойынша жекелеген аудандарда жел күшейіп, дауыл соғып, бұршақ жаууы мүмкін.
