Редакция қызметкерлері ұжымдық иммунитет қалыптастырудың үлгісін көрсетті

Қазір қауіпті індетке байланысты ұжымдық иммунитет қалыптастыру жұмыстары қарқынды жүргізілуде. Денсаулық сақтау саласы мамандарының мәлімдеуінше, халық екпенің екі кезеңін қабылдап, сақтық шараларын күшейткенде ғана әлемді әбігерге салған ауру ауыздықталады екен. Осы ретте, аудандық «Тіршілік тынысы» газеті редакциясының қызметкерлері түгел екпе қабылдап, жауапкершілік танытты.

— Қазір екпе туралы алып-қашпа әңгімелер көп. Шындыққа сәйкес келмейтін, дәлелденбеген, дәйексіз ақпараттарды таразылау әр азаматтың санасына, таным-түсінігіне тікелей байланысты. Редакция қызметкерлері екпенің пайдасын дұрыс түсініп, өздерінің және жақындарының денсаулығына жауапкершілікпен қарайтынын дәлелдеді, — деді газеттің бас редакторы Ақтөре Ибрагимұлы.